ನಮ್ಮ ಶಾಲೆಯಲ್ಲಿ ಬೆಳಗ್ಗಿನ ಪ್ರಾರ್ಥನೆಯಾಗಿ ಹಾಡುತ್ತಿದ್ದ "ಜಗದ ಜನಕ ನಮಗೆ ಬೆಳಕ ತೋರು.. " ಎಂಬ ಹಾಡನ್ನು ಕೆಲವು ತಿಂಗಳಿಂದೀಚೆಗೆ ಹುಡುಕುತ್ತಿದ್ದೆ. ಅಂತರ್ಜಾಲದಲ್ಲಿ ತಡಕಾಡಿ ನೋಡಿದಾಗ ಈ ಹಾಡಿನ ಪೂರ್ಣಪಾಠ ಎಲ್ಲಿಯೂ ಕಾಣಿಸಲಿಲ್ಲ. ಇತ್ತೀಚೆಗೆ ನಮ್ಮ ಶಾಲೆಯ ಅಧ್ಯಾಪಕರೊಬ್ಬರು ಸಿಕ್ಕಿದಾಗ ಇದರ ಬಗ್ಗೆ ಕೇಳಿದೆ. ಶಾಲೆಯಲ್ಲಿ ಈಗಲೂ ಇದುವೇ ಪ್ರಾರ್ಥನೆಯನ್ನು ಹಾಡುತ್ತಾರೆ ಎಂದು ತಿಳಿಸಿ, ಹಾಡಿನ ಪೂರ್ಣ ಪಾಠವನ್ನು ಕೊಟ್ಟಾಗ ಆದ ಸಂತೋಷಕ್ಕೆ ಪಾರವೇ ಇಲ್ಲ!! :)
ಹಾಡಿನ ಪೂರ್ಣಪಾಠ
ಜಗದ ಜನಕ ನಮಗೆ ಬೆಳಕ ತೋರು ಕರುಣಿಯೇ ।
ಭಕುತಿಯಿಂದ ಬೇಡುತಿಹೆವು ದಾರಿ ಕಾಣದೇ ।। ಜಗದ ।।
ಮತಿಗೆ ಕವಿದ ಮೋಹ ತಮವ ಕಳೆಯಲಾರೆಯಾ ।
ಹಿತದ ನಡೆಯ ನುಡಿಯ ಕಲಿವ ಪಥವ ತೋರೆಯಾ ।।
ಮನವ ಸೆಳೆವ ಮಾಯೆಯೊಳಗೆ ಎಮ್ಮ ಕೆಡಹದೆ ।
ಜನುಮ ಸಫಲವಾಗುವಂತೆ ನಡೆಸು ಕೆಡಿಸದೆ ।।
ಮನವು ಮಾತು ಕೃತಿಯು ನಮ್ಮದಿರಲಿ ನಿರ್ಮಲ ।
ವಿನಯಶೀಲ ನಿಯಮ ಕಲಿಸಿ ನೀಡು ಗುಣಫಲ ।। ಜಗದ ।।
ಹಾಡಿನ ಪೂರ್ಣಪಾಠ
ಜಗದ ಜನಕ ನಮಗೆ ಬೆಳಕ ತೋರು ಕರುಣಿಯೇ ।
ಭಕುತಿಯಿಂದ ಬೇಡುತಿಹೆವು ದಾರಿ ಕಾಣದೇ ।। ಜಗದ ।।
ಮತಿಗೆ ಕವಿದ ಮೋಹ ತಮವ ಕಳೆಯಲಾರೆಯಾ ।
ಹಿತದ ನಡೆಯ ನುಡಿಯ ಕಲಿವ ಪಥವ ತೋರೆಯಾ ।।
ಮನವ ಸೆಳೆವ ಮಾಯೆಯೊಳಗೆ ಎಮ್ಮ ಕೆಡಹದೆ ।
ಜನುಮ ಸಫಲವಾಗುವಂತೆ ನಡೆಸು ಕೆಡಿಸದೆ ।।
ಮನವು ಮಾತು ಕೃತಿಯು ನಮ್ಮದಿರಲಿ ನಿರ್ಮಲ ।
ವಿನಯಶೀಲ ನಿಯಮ ಕಲಿಸಿ ನೀಡು ಗುಣಫಲ ।। ಜಗದ ।।
No comments:
Post a Comment